I porsalinduri juaj, është ende duke u përshtatur me botën e re rreth tij, të cilën ai mund ta konsiderojë paksa të zhurmshme për gjumin apo edhe për shijen e tij. Por ai është duke u mësuar dalëngadalë me të. Ju do të konstatoni se gjymtyrët e tij lëvizin në një mënyrë të thatë, dhe të pa koordinuar. Shumë shpejt, ndoshta deri në fund të muajit, lëvizjet e gjymtyrëve të tij do të bëhen më të rrjedhshme, ndërkohë që kontrolli i muskujve të tij do të maturohet. Thithja dhe përtypja e durave të tij do të jenë aktivitetet kryesore për momentin.
A është e zhurmshme frymëmarrja e të porsalindurit tuaj? Sasia e madhe e ajrit që kalon nëpër rrugët ajrore shumë të ngushta, të bllokuara nga batanijet, veshjet dhe pluhuri i madh, mund të jenë fajtor për këtë. Ju me siguri nuk keni arsye për t'u shqetësuar, ai nuk ka gjasa që të ketë marrë ndonjë të ftohtë në këtë moshë kaq të re. Ai është vetëm duke bërë më të mirën e tij, duke u përpjekur që të marrë frymë. Pyesni kujdestarin e shëndetit tuaj nëse jeni të shqetësuara për këtë, dhe mos nguroni të thërrisni doktorin nëse jeni të vërtet të brengosura. Mjekët e përgjithshëm, e dinë se foshnjat e vogla kanë nevojë për një kujdes të veçantë.