Fëmija juaj tashmë po fillon të diktojë objekte shumë të vogla dhe të ndjekë objektet që janë në lëvizje. Në këtë pikë, ai mund të jetë në gjendje për të njohur një objekt që e ka parë më herët, duke parë vetëm një pjesë e tij – si p.sh. lodrën e tij të preferuar qëdel nga poshtë shtratit. Kjo do të jetë baza për lojrat kukafshehti që ju do të luani me të në muajt e ardhshëm.

Ai gjithashtu mund të ndjekë një objekt të cilin nuk e sheh. Fëmija juaj do të mundohet të kapë një kub (ose një tjetër objekt) që qëndron mbi tavolinë nëse ju e mbani fëmijën pranë këtij objekti, dhe sapo ta ketë marrë atë objekt, ai mund të mundohet të kapë një të dytë.

Marrja apo jo e një dadoje për fëmijën tuaj, është një vendim i madh. Ndoshta pjesa më e vështirë është gjetja dhe zgjedhja e dikujt që ju pëlqen dhe që i besoni, veçanërisht në qoftë se anëtarët e familjes ose miqtë e ngushtë janë të padisponueshëm. Pyetja e miqve dhe fqinjëve tuaj që janë prindër të rinj, është një mënyrë e shkëlqyer për të gjetur kandidatët. Disa zona kanë agjensi të dadove, përmes të cilave ju mund të punësoni një dado. Një tjetër alternativë është që të shkëmbeni kohën e dados me një prind ose një çift tjetër.

Ka disa faktorë të rëndësishëm për tu marrë në konsideratë kur zgjidhni një dado, duke përfshirë këtu moshën, përvojën dhe njohuritë për dhënien e ndihmës së parë. Kërkimi për referenca është një fillim i mirë, ashtu siç është një intervistë e plotë për t'ju ndihmuar të kuptoni karakterin e dados, personalitetin dhe kualifikimet e saj. Mos harroni gjithashtu të shikoni bashkëveprimin e dados me fëmijën tuaj.

Pasi të keni zgjedhur një dado, është një ide e mirë që ti kërkoni asaj të vijë pak më herët, në mënyrë që të mund të kaloni pak kohë së bashku. Lëreni atë të mbajë fëmijën ndërkohë që ju përgatisni diçka tjetër. Jepini edhe asaj informacionet e rëndësishme që mund ti duhen: numrat e kontaktit për tu lidhur me ju dhe mjekun, vendin më të afërt të ndihmës emergjente, si dhe informacionin mjekësor të fëmijës tuaj. Në lidhje me pagesën, është një ide e mirë të kërkoni tek prindërit e tjerë një informacion mbi pagat për dadot.

'Vajza ime e vogël kënaqet shumë, kur unë i këndoj këngë, ndërkohë që jam duke i ndërruar pelenat. Unë ja lëviz këmbët e saj lart – poshtë dhe nga njëra anë në tjetrën kur i këndoj. Edhe nëse ajo është duke qarë kur jam duke i ndëruar pelenat (sidomos kur jemi jashtë), të kënduarit e huton plotësisht, ajo pushon së qari dhe fillon të lidhet me këngën duke u kënaqur' – N.

Ndani këshillat tuaja.