Zhvillimi dhe rritja
javë pas jave

Si të mbrohemi në temperaturat nën minus

Në mënyrë që të mbroni organizmin tuaj dhe ate të fëmijëve tuaj nga pasojat e temperaturave të ulëta dhe ajrit të ftohtë, keni kujdes në mënyrën e ushqyerjes. Ushqimi duhet të jetë më i fortë dhe më i plotë, ndërsa pijet e ngrohta nënkuptohen.

Karbohidratet

Gjatë ditës kur temperatura është nën minusin “e trashë”, duhet të hani ushqim të pasur me karbohidrate, sepse ato gradualisht ndërtohen në trup, i japin trupit energji dhe e bëjnë atë që të shërohet më shpejtë. Për këtë ato duhet të jenë të pranishme në çdo ushqim. Karbohidratet gjenden në drithëra, patate, bishtaja, pemë, oriz, brumëra…etj.

Proteinat

E njejta mund të thuhet edhe për proteinat me prejardhje shtazore (mishi i bardhë dhe i kuq, peshku, prodhimet qumështore) dhe ato me prejardhje bimore (prodhimet e sojës, drithërave).

Mishi

Në mënyrë që muskujt tuaj të jenë më të fortë dhe më të përballueshëm, duhet të konsumoni mish për shkak të nivelit të larte të karnitinës. Mishi është burim i aminoacideve, të nevojshme për ndërtimin e imunoglobinës dhe qelizave të sistemit imunitar, dhe plotësohen me zinkun, mineralin e rëndësishëm për metabolizmin e qelizave (sidomos për zhvillimin e drejtë të qelizave të cilat ballafaqohen me viruset).

Lëngjet

E rëndësishme është që supa, çorba apo gjella e lëngshme të jenë çdo ditë mbi tryezën tuaj. Pini sa më shumë çajra, dhe mundohuni që kafenë ta zëvendësoni me çajin jeshil – i cili ka madje më shumë kafeinë por ka rol antioksiduesi.

Reagoni shpejtë

- Si ushqim i shpejtë energjik, në çfarëdo kohe gjatë ditës, kur ndjeni plogështi për shkak të ftohtit, hani banane dhe çokolatë.

- Nga pemët, hani molla dhe mandarina, sepse ato janë të pranishme në çdo kohë. Në mandarinë ka madje dhe 100 mg vitamina C.

- Lakra e papërpunuar poashtu është e pasur me këtë vitaminë, prandaj konsumojeni në baza ditore.

- Nëse gjatë periudhës së verës këshillohet që sa më pak të përdorim mëlmesa në ushqim, për periudhën e dimrit rekomandohet e kundërta. Konsumoni sa më shumë mëlmesa (speca pikantë, rrikë…) sepse përshpejtojnë mikroqarkullimin dhe na ngrohin.

- Dhe në fund mos e harroni hudhrën dhe mjaltën, sepse janë “eliminuesit” e shkëlqyer të bakterieve dhe virusëve./bebaime.com/

/komuniteti