Përshëndetje Sanije

Shumë keq që e ke lënë veten pas dore në gjithë këtë vite. Mos harro se mosha bën të sajën dhe sa më e madhe të jetë ajo, aq më vështirë është për të filluar shtatzëni të sukseshme. Megjithatë, që të jap një përgjigje të qëndrueshme duhet të më thuash a je kontrolluar ndonjëherë te mjeku obstetër për shëndetit riprodhues? Po bashkëshorti, a ka bërë ndonjë kontroll te mjeku androlog për të vlerësuar gjendjen e spermatozoidëve? Si e ke ciklin menstrual, a është ai i rregullt? Megjithatë, vlerësimi për mundësinë e mbetjes shtatzënë bëhet vetëm pas vizitës gjinekologjike si dhe disa analizave dhe ekzaminime bazë. Kontakto një mjek obstetër sa më shpejt të jetë e mundur.

Duke ju përgjigjur vetëm pyetjes tënde, mund të them se; nëse cikli menstrual është 28-të ditë, dita e 14-16 janë ditët më të mundshme për të mbetur shtatzënë, ku numërimi fillon nga dita e parë e menstruacioneve.

Të uroj fat.