Përshëndetje Deni,

Nëse trajtimi i ureaplazmës bëhet normalisht, atëherë të gjitha pasojat janë të tejkaluara.

Nëse nuk shërohet, ureaplasma mund të shpie tek aborti spontan, lindja e parakohshme apo infeksioni i placentës. Poashtu, për shkak të përqëndrimit të madh të ureaplasmës, foshnja mund të ketë peshë të vogël në lindje.

Mjekimi që unë të rekomandoj është terapia me antibiotikë e tipit të eritromicinës, që nuk ndikon tek bebi por, mbron nga komplikacione mjaft të rëndësishëm që mund të japin gjatë shtatzënisë siç është plasja parakohe e membranave apo lindja parakohe. Por, përshkrimin në recetë e jep mjeku që ndjek shtatzëninë tënde.

Pas trajtimit të ureaplazmës, është e rekomanduar përsëritja e testit tre javë pas përfundimit të antibiotikëve. Të uroj shërim sa më të shpejtë për të patur ecuri normale të shtatzënisë deri në lindje.