Përshëndetje Lauresha,

Pas lindjes është normale që të bien flokët, dhe ju nuk mund të bëni asgjë për të parandaluar ate. Gjatë shtatzënisë, për shkak të nivelit të lartë të estrogjenit, flokët janë më aktive dhe përqindja më e madhe e qimeve është në fazë të rritjes. Pjesa e flokëve që është në fazë qetësie, pas së cilës flokët do bien është më e vogël se sa para shtatzënisë.

Pas lindjes, niveli i estrogjenit bie, dhe një numër më i madh i flokëve kalojnë në fazën e qetësisë, dhe pas kësaj kohe, ato bien. Përdor shampo të cilët japin dukje më voluminoze, apo ndoshta edhe ndonjë shkurtim flokësh derisa gjendja hormonale të stabilizohet.

Ndërsa në lidhje me dhëmbët, mendoj që duhet të bësh një vizitë tek stomatologu, për të vlerësuar nëse ke nevojë për ndërhyrje apo vetëm përdorim vitaminash.

Të uroj gjithë të mirat.