Përshëndetje Kledi,

Shtatzënia është gjëndje e re, e organizmit të gruas. Në shtatzënitë normale, rritja fetale varet edhe nga përbërësit ushqimorë si dhe transporti i tyre dhe i oksigjenit nëpërmjet placentës, nga nëna tek bebi. Ka edhe shumë faktor të tjerë të rëndësishëm që përcaktojnë rritjen fetale. Gjatë dhjetëvjeçarve të fundit përmirësimi i kujdesit neonatal, ka ndikuar në rritjen e numrit të rasteve që fëmijët të lindin me peshë normale.

Në këtë kujdes bën pjesë edhe marrja e multivitaminave e cila i rekomandohet çdo gruaje shtaztënë. Multivitaminat e liçensuara dhe përdorimi i tyre brënda afatit të skadencës, ndihmojnë në zhvillimin dhe rritjen normale të bebit si dhe në mirëqënien e nënës.

Llojet e vitaminave (që mund të merren edhe si multivitamina), rekomandohen të përdoren nga fillimi deri në fund të shtatzënisë. E domosdoshme është edhe marrja e kriprave minerale dhe doza suplementare e hekurit. Marrja e jodit nëpërmjet kripës së jodizuar, ka rol të veçantë gjatë shtatzënisë.

Gjithë të mirat.