Përshëndetje Blerina,

Rreth 40-të ditë pas lindjes, organet gjenitale femërore rigjenerohen, që do të thotë se rikthehen në gjendjen e tyre të paralindjes. Gjatë kësaj periudhe, që quhet edhe periudha e lehonisë, gruaja ka lohje që janë gjakrrjedhje të lehta. Nëse lohjet nuk shkojnë duke u paksuar atëherë kontakto gjithsesi mjekun tënd gjinekolog.

Menstruacionet rikthehen me kalimin e kësaj periudhe të paslindjes, nëse ushqyerja me gji e fëmijës nuk bëhet fare ose bëhet jo në kushte të përcaktuara.

Pas lindjes është e këshillueshme, që çifti të përdorë metodat e planifikimit familjar. Nëqoftëse preferohet që ushqimi me gji i fëmijës të vazhdojë, atëherë nuk rekomandohen kontraceptivët hormonal. Midis të tjerave, një nga metodat efikase të kontracepsionit pas lindjes është spiralja. Megjithatë zgjedhja është e ciftit, por nuk duhet harruar seë përpara se të vendoset për metodën e kontracepsionit, duhet të bëhen disa analiza të thjeshta të cilat i rekomandon mjeku dhe në bashkëpunim me ty, do zgjidhet kontraceptivi më të favorshëm.

Për më tepër lexo artikullin e linkut poshtëshënuar.

http://www.bebaime.com/perinatologjia/lehonia-planifikimi-familjar-pas-lindjes-

I uroj shëndet fëmijës tënd dhe gjithë të mirat.