Rreth acidit folik deri në muajin e 7 dhe vitaminave
* A & D *
(14 vite më parë)
Zhvillimi dhe rritja
javë pas jave
javë pas jave
Gjinekologja përgjigjet
MD Mimoza Keta
Përshëndetje Aurora
Acidi folik rekomandohet të fillohet tre muaj para dhe të vazhdojë deri në fund të javës së 12-të të shtatzënisë. Nëse ndodh që të merret edhe pas javës së 12-të, nuk ka asnjë problem për tu shqetësuar. Është e rekomanduar marrja e suplementeve me vitamina dhe minerale gjatë shtatzënisë. Mirë është që këto të merren me rekomandimin e mjekut pas një vlerësimi që ai bën për sasinë e nevojshme shtesë të tyre, që shtatzëna ka nevojë të marrë kur nuk i kompenson me ushqimin që konsumon. Por në mënyrë taksative, shtatzënat duhet të marrin pas javës së 16-të e deri në 45 ditë pas lindjes, suplemetë të hekurit. Nëse ekzaminimet tregojnë për defiçite të mëdha të hekurit që zakonisht shoqërohen me anemi të theksuar, mjeku rekomandon marrjen e sasive më të mëdha të hekurit se sa afrojnë multivitaminat që e përmbajnë atë.
Të uroj shtatzëni të mbarë.
/komuniteti
Pershendetje doktoreshe... pyetja ime eshte per perdorimin e acidit folik, a eshte i demshem per bebin nese vazhdojme ta marrim deri ne muajin e 7 te shtatzanise dhe pervec acidit folik, cfare vitaminash tjera duhet te marim? Ju flm per kohen qe ndan per ne. Cdo te mire.