Përshëndetje Mira,

Është normale që në çdo praktikë mjeksore, ku ka të bëjë me ndërhyrje në organizmin e njeriut, ka disa kundërindikime duke u bërë një nga detyrat kryesore e kujdesit mjeksor. Nuk duhet harruar dhe sa për kujtesë, se edhe prerja më e vogël e gishtit aty në guzhinë, duke prerë edhe një fetë bukë, ka dhe mund të ketë kundërindikacione të cilat në ndonjë rast përfundojnë rëndë.

Për të të shuajtur kuriozitetin, një studim anglez i botuar në “Revistën Britanike të Anestezisë” tregon se komplikacionet pas anestezisë epidurale kanë përfunduar me dëmtime të përherëshme neurologjike 0.002-0.0042% të rasteve dhe me vdekje apo paraplegjikë 0.0007-0.0018% të rasteve. Incidenca më e ulët e komplikacioneve ka ndodhur në sallat e obstetrikës dhe shumica e tyre janë zgjidhur brënda 6-të muaj. Nëse mendon që të kryhesh ti apo dikush tjetër, lindje me anestezi epiduriale, këshilla me mjekun reanimator është e domosdoshme.

Gjithë të mirat.