Përshëndetje Lejla. Fillimi i shtatzënisë ndodh kur femra është nw ditët e ovulimit, dhe në qarkullim ndodhen spematozoidë. Ditët e ovulimin, paraqiten diku pas ditës së 13-14 nga dita e parë e ciklit menstrual dhe zgjasin 2-3 ose edhe 4 ditë. Nëse raporti seksual i pa mbrojtur është kryer në ditën e fundit të gjakrrjedhjes, që mund të jetë dita e 5 ose 6-7 nga dita e parë e fillimit të saj, nuk mendoj se shtatzënia ka filluar. Megjithatë, testi shtatzënisë konfirmon ose jo atë. Edhe një kontroll tek mjeku, e vlerëson situatën. Por kjo për mua nuk është e rëndësishme. Unë këshilloj që të gjitha femrat, kur kryejnë raportin e parë seksual, duhet me patjetër të kontaktojnë mjekun gjinekolg. Një vëzhgim i përgjithshëm gjinekologjik dhe specifik nëse është e domosdoshme, është nw favor të shëndetit riprodhues të gruas. Prandaj edhe ty Lejla, të këshilloj që të kontaktosh me një mjek gjinekolog, pavarësisht se je apo jo shtatzënë. Të uroj gjithë të mirat.