Përshëndetje Ada

Hekuri në organizëm është i nevojshëm për të mbajtur një numër kostant të rruazave të kuqe të gjakut. Me anë të rruazave të kuqe, furnizohet me oksigjen organizmi i gruas. Gjatë shtatzënisë, me anë të rruazave të kuqe të gjakut bebi furnizohet me oksigjen, prandaj është shumë e rëndësishme që të mos kalohet në anemi.

Për të parandaluar rënien e rruazave të kuqe të gjakut, apo për t’i çuar ato në një nivel normal, është e nevojshme marrja e hekurit. Ky mineral i domosdoshëm, nuk është i mundur që të merret vetëm me anë të ushqimeve. Tek një grua shtatzënë, nevojat për hekur rriten deri në 30 mg në ditë dhe kjo nevojë, dyfishohet në katër muajt e fundit.

Marrja e hekurit duhet të shoqërohet me vitamina C, ose mund të shoqërohet edhe me pak lëng limoni ose një gotë lëng portokalli. Shpesh tabletat apo kapsulat e hekurit sjellin efekte anësore si të vjella, dhimbje stomaku dhe kapsllët. Në të tilla raste, është e këshillueshme që marrja e hekurit të bëhet nëpërmjet injeksioneve apo infuzioneve. Por suplementi me hekur mund të mirret edhe me anë të multivitaminave.

Sasinë e hekurit e vlerëson mjeku, sipas analizave të gjakut.

Gjithë të mirat.