Përshëndetje Sonila

Nevoja e organizmit të nënës dhe fëmijës me vitamina dhe kripra minerare gjatë shtatzënisë, nuk plotsohen dot vetëm me anë të ushqimit. Prandaj është e nevojshme marrja e tyre me preparatet që tregtohen në farmaci për këtë qëllim.

Ndryshimi kryesor midis mamavit dhe matervit, është se matervit nuk ka vitamina A dhe gjithshtu ka më shumë magnezium, i cili konsiderohet si parandalues i kontraksioneve uterine. Nëse mjeku ka menduar për të afruar një nga këto preparate, besoj se ai e ka bërë mbi bazë të njohjes të gjëndjes dhe nevojave të organizmit tënd.

Multivitaminat duhet të përdoren gjatë gjithë shtatzënisë. Pas javës së 16-të, të rekomandoj të marrësh hekur, pasi ky mineral është shumë i rëndësishëm për shëndetin tënd dhe të bebit dhe duhet ta përdorësh deri në 40 ditë pas lindjes. Recetën e përshkruan mjeku.

Të uroj shtatzëni të mbarë.