Përshëndetje Valentina

Nëse është e nevojshme që antibiotikët t’i përdoresh nëse shtatzënia ka kaluar 12-javë, pasi nuk kanë influencë negative në ecurinë e saj. Bësoj se këto preparate ti ka rekomanduar mjeku gastroenterolog. Nëse jo, konsultohu pa tjetër me një mjek të këtij profesioni.

Thua që sheqerin, pra gliceminë në gjak, e kishe të ulur. Kjo mund të jetë edhe një arsye që më bën të këshilloj, që të matësh rregullisht nivelin e glicemisë, pasi mund të jesh përpara një diabeti mellitus i cili konsiderohet si diabet shtatzënie. Nëse është kështu, trajtimet janë të domosdoshme, prandaj rezultatet e matjeve tregoja mjekut që të ndjek shtatzëninë.

Anemia paraqitet si mungesë e hekurit në organizëm. Pavarësisht se pretendon që ushqehesh mirë, nuk është e muundur që vetëm me ushqimet që konsumon, të plotsohen nevojat e organizmit tënd dhe të fëmijës me vitamina dhe kripra minerale e në veçanti me hekur. Prandaj është e domosdoshme që të marrësh multivitamina si dhe hekur, të cilin duhet ta konmsumosh deri në ditën e 40-të pas lindjes. Mjeku gjinekolog i përshkruan këto suplemente në recetë.

Mundet që të kesh edhe probleme të mbartura të veshkave, probleme që dalin nga analiza e urinës. Nëse është ndonjë infeksion i mundshëm, duhet trajtuar sepse ka infeksione të urinës të cilat dëmtojnë ecurinë e shtatzënisë. Për këtë arsye të sugjeroj të bësh një urokulturë dhe një kontroll me mjekun nefrolog.

Të uroj shtatzëni të mbarë.