Përshëndetje Katerina.

Nëse je vizituar periodikisht tek mjeku gjatë kësaj periudhe të shtatzënisë, dhe ai nuk të ka rekomanduar për të kryer analiza vaginale, tregon se e ka vlerësuar gjendjën e përgjithshme dhe ecurinë e shtatzënisë të mirë. Megjithatë të rekomandoj, që të kryhesh një analizë dhe kulturë të sekrecioneve vaginale.

Vetë shtatzënia e sidomos më rritjen e moshës së saj, është faktor i uljes së lëvizshmërisë së zorrëve, gjë e cila sjell konstipacionin/kapsllëkun. Përmirësimi i dietës, është këshilla kryesore për të përmirësuar situatën. Ushqimet e pasura me zarzavate dhe perime, konsumi i lëngjeve (shumë mirë është marrja e tyre në formën e kompostove) si dhe ecja, bën të mundur rritjen e lëvizshmërisë së zorrëve duke lehtësuar konstipacionin.

Të uroj shtatzëni të mbarë.