Përshëndetje Engjellushe.

Shqetësimi që tregon, është problem që vërehet rëndom tek gratë në periudhën e perimenopauzës, menoapuzës dhe pasmenopauzës. Por, kjo situatë është e rënduar sidomos tek gratë, të cilat nuk janë kujdesur për vetën e tyre, që në fillimet e kësaj periudhe.

Rregullimi, apo mbajtja stabël e treguesve hormonal bëhet me ushqime, aktivitet fizik e deri edhe tek përdorimi i terapive zëvendësuese hormonale. Në periudhën që tregon, duke vlerësuar edhe moshën, mendoj se zgjidhja është përmirësimi ushqimor i shoqëruar me suplemente si dhe një aktivitet fizik i drejtuar dhe kontrolluar nga specialistët. Për më tepër, të rekomandoj të lexosh artikuj që ndodhen në rubrikën “menopauza” tek ky portal.

Për të lehtësuar sadopak situatën, të rekomandoj gjithashtu të bësh shëtitje të lehta në mëngjes si dhe në pasditen e vonshme, por, gjithënjë pa u sforcuar deri në lodhje. Konsumi i kalciumit i shoqëruar me vitaminë D, për të ruajtur masën kockore, është gjërësisht i rekomanduar dhe mund të blihet në çdo farmaci.

Të uroj gjithë të mirat.