Përshëndetje Alberta

Hypotensioni, është i njohur te gratë shtatzëna. Në momentin që ke ndjenjën e maramëndjes, kokëdhembjes qëndro në pozicionin shtrirë anash majtas. Qëndro shtrirë në krahun e majtë për të shmangur shtypjen dhe si pasojë uljen e tensionit. Gjithashtu, konsumi i lëngjeve bën të rritet volumi qarkullues i lëngjeve të organizmit, duke stabilizuar dhe rritur tensionin në nivele normale. Kështu do ta ndjesh veten më mirë dhe më të qetë.

Janë të rekomanduara në këtë periudhë edhe marrja e vitaminave, kripëravë minerale dhe suplementi me hekur. Nëse nuk i merr multivitaminat, kërkoja mjekut tënd që ti përshkruajë ato.

Megjithatë, nuk ka vend për tu shqetësuar, sepse tensioni i ulët i gjakut nuk influencon në mbarëvajtjen e shtatzënisë.

Të uroj shtatzëni të mbarë.