Mungesa e periodave, nuk është shenjë e sigurtë e konceptimit. Gjithashtu dhimbjet e gjoksit, nuk tregojnë që grua është shtatzënë. Urinimi i shpeshtë mund të jetë problematikë e një infeksioni urinar. Prandaj të gjithë këta faktorë si dhe të tjerë nuk përbëjnë sigurinë e mbetjes shtatzënë.

Testi me lakmues mbi urinë, është test me siguri të lartë. Nëse një grua ka mbetur shtatzënë, testi gjen në urinë praninë e gonadotropinakorionike. Por gabime edhe mund të ndodhin, si për shkaqe subjektive ashtu edhe të vetë testit.

Ekzaminimi ekografik e tregon saktë dilemën e pranisë ose jo të shtatzënisë. Ndaj rekomandoj që përpara çdo hapi tjetër, bëni një ekzaminim ekografik. Nëse nuk jeni shtatzënë, mjeku gjinekolog për ju dhe mjeku androlog për bashkëshortin duhet të përcaktojnë shkakun e mos konceptimit.

Unë ju rekomandoj që situatën ta merrni qetësisht. Mjeksia është e aftë të zgjidhë shumë probleme që kanë të bëjnë me konceptimin e shtatzënisë.

Sinqerisht uroj që kjo të realizohet sa më shpejt të jetë e mundur.