Përshëndetje Esma

Lodhjet nga punët e përditshme apo edhe nga qëndrimet e gjata në këmbë apo në pozicione jo të përshtatshme, bëjnë që edhe në këtë moshë të shtatzënisë të ndihet dhimbje të lehta në fund të barkut. Dhimbja mund të vijë edhe nga lëvizjet e bebit i cili tendos ligamentet dhe muskujt që mbajnë mitrën.

Nuk është normale që ke përdorut magnesium pa rekomandimin e mjekut. Këto lloj dhimbjesh, mund të dominohen me një banjë çlodhëse me masazh me vajra bimorë ose me një borsë me ujë të ngrohtë.

Por kujdes, nëse dhimbjet bëhen të bezdishme dhe shoqërohen me të vjella, temperaturë hemorragji etj, drejtohu menjëherë te mjeku obstetër-gjinekolog.

Të uroj shtatzëni të mbarë.