Përshëndetje Klodi

Dhimbjet e mesit në shtatzëni e sidomos në shtatzënitë e shumëfishta, vijnë për shkak të ngarkesës që merr shtylla kurrizore si dhe qëndrimit jo korrekt të trupit.

Për të lehtësuar sado pak dhimbjet, të rekomandoj;

- Evito qëndrimet e gjatë në këmbë dhe mos bëj punë të rënda.

- Gjatë qëndrimit ulur, mbaj pozicionin drejt dhe asnjë herë mos qëndro shtrëmbër apo përkulur.

- Vendos në pjesën e fundit të kurrizit, borsë me ujë të ngrohtë (jo më shumë se 39º) ose të ftohtë si dhe mund të bësh banjë me ujë të ngrohtë së paku dy-tre herë në ditë, për 10-15 minuta.

- Mund edhe të përdorësh pomada qetësuese duke e lyer vendin e dhimbshëm, ose të kërkosh të të bëj masazhe bashkëshorti me vajra bimore.

- Nëse sa më sipër nuk gjen zgjidhje, për të qetësuar dhimbjet mund të përdorësh paracetamol.

Të uroj shtatzëni të mbarë.