Duhet te merakosem?
Fa Me
(13 vite më parë)
Zhvillimi dhe rritja
javë pas jave
javë pas jave
Gjinekologja përgjigjet
MD Mimoza Keta
Përshëndëtje zonjë,
Gratë që ushqejnë fëmijët me qumësht gjiri, kanë vonesa në ardhjen e menstruacioneve. Shkaku është pasojë e ushqyerjes së fëmijës me qumësht gjiri, e cila ndikon në mekanizmin e ovulacionit. Në këtë konteks, mund të thuhet se ushqyerja me gji është metodë kontracepsioni e përkohshme gjithmonë nëse plotësohen kushtet si:
• ushqyerja e fëmijës vetëm me qumësht gjiri,
• intervalet e ushqyerjes nuk duhet të jenë më të gjata se 6-të orë si ditën ashtu dhe natën,
• nuk janë kthyer menstruacionet, dhe
• fëmija i lindur nuk ka kaluar 6-të muaj.
Kjo metodë quhet ndryshe edhe Metoda e Amenoresë të Laktacionit. Nëse njëri nga kushtet e mësipërme nuk plotësohet, atëherë nëna që ushqen fëmijën me gji, këshillohet për të përdorur metodat e kontracepsionit për të parandaluar një shtatzëni të padëshiruar apo shtyrë një shtatzëninë e rradhës.
Gjithë të mirat.
/komuniteti
Pershendetje, Kam nje bebush 4 muajsh te cilin e ushqej kryesisht me gji por i jap edhe pak formule sa per te plotesuar gjirin. Naten nuk i jap sepse flen gjume por diten eshte gati cdo 1 ore ne gjirin tim. Menstruacionet nuk me kane ardhur akoma qe nga pastrimi i cili me zgjati 4 jave. Duke qene se marredheniet seksuale i kam filluar sapo perfundoi pastrimi dhe me qene se kane qene pjeserisht te mbrojtura dmth pa ejakulacion, doja t'ju pyesja nese duhet te merakosem per ndonje shtatzani tjeter apo shkaku i voneses i menstruacioneve eshte se nuk ka filluar akoma ovulacioni nga ushqyerja me gji? Kam lexuar qe prolaktina ka edhe nje efekt kontraceptiv por gjithsesi edhe mendimin tuaj si eksperte. Faleminderit e ju uroj pune te mbare.