Pershendetje Drita,

Po ke te drejte, kur beba rritet me shume se sa eshte dashur te jete per javet gestative (qe kalkulohet automatikisht nga aparati ultrasonografik) duhet te perjashtohet mundesia e diabetit tek nena. Por, me e rendesishme eshte trajektorja e rritjes sesa permasat aktuale te bebes. Domethene nese bena juaj edhe ne matjet paraprake ka qene diç me e madhe se sa eshte dashur te jete per moshen gestative, mos u beni merak. Asnjeri nga ne nuk eshte i njejti me tjetrin... edhe bebet nuk jane te njejta, disa jane me te medha e disa me te vogla. Pra, nese beba juaj ka nje trajektore normale te pandryshueshme te rritjes (edhe nese eshte me e madhe per nje jave e gjysem ose dy jave) dhe vlera e sheqerit tek ti eshte normale mos u merakos. Por. patjeter caktoje vleren e sheqerit esull.

Rreziku per lindje te parakohshme eshte nje problem tjeter. Nese kanali i lindjes ka filluar te hapet, atehere duhet te marresh kortikoide per pjekjen e mushkerive te bebes (nese do te vie deri te lindja para kohe) dhe duhet te mjekohet infeksioni. Shkaku i lindjes se parakohshme akoma mbetet i panjohur, por infeksioni eshte nje shkak i shpeshte, prandaj konsultohu me gjinekologun per te mjekuar infeksionin eventual. Ekzistojne barna per ndaljen e tkurrjeve te mitres te cilat quhen tokolitike. Duhet te marresh edhe nje nga keto barna (ekzistojne disa lloje te tokolitikeve).

Te uroj shtatzeni pa probleme dhe bebe te shendetshme.