Përshëndetje Blerta

Qëndrimi gjatë në këmbë, është një nga shkaqet e fryrjes së anësive kryesisht të atyre të poshtme. Këto quhet edema ortostatike, që do të thotë fryrje nga qëndrimi në këmbë. Duhet të lehtësohesh nga qëndrimet e gjata, të lodhshme sidomos në këtë periudhë të nxehtë. Kur ndihesh e lodhur duhet të ulesh dhe këmbët t’i vendosësh mbi një stol/poltron në nivelin e kraharorit dhe duhet të marrësh një pozicion qoftë edhe gjysëm shtrirë. Në pozicionin shtrirë, zgjidh qëndrimin anash majtas sepse ndihmon veten dhe bebin në furnizmin me gjak.

Përveç këshillave të mësipërme, të rekomandoj të drejtohesh për një vizitë tek mjeku që të ndjek shtatzëninë për vlerësuar shifrat e tensionit arterial, analizën e urinës dhe provat funksionale të veshkave.

Të uroj shtatzëni të mbarë.