Përshëndetje Sevime,

Nëqoftëse me kthim të fetusit/fëmijës mbrapsh ke dashur të thuash se fëmija është pozicionuar me kokë poshtë, atëherë duhet të dish se është koha e shtatzënisë që fëmija të marrë këtë pozicion që quhet pregaditor dhe përfundimtar për lindje. Nëse fjala është për kthim të fëmijës me kokë lart, atëherë problemi është vetëm te zgjedhja e rrugës së lindjes. Mendoj se mjeku do ta bëjë të ditur këtë gjë, kur të vijë koha e lindjes dhe në marrëveshje me ty do të zgjidhni mënyrën e lindjes, vaginale ose prerje cezariane.

Mirë është që pozicioni i qëndrimit shtrirë, të jetë anash majtas. Por nëse ndihesh komode edhe në krahun e djathtë, mund të qëndrosh edhe ashtu. Nuk është e detyrueshme qëndrimi anash majtas, pavarësisht se rekomandohet pasi oksigjenimi i bebit bëhet më i mirë në këtë pozicion.

Uroj të lindësh një fëmijë të shëndetshëm.