Përshëndetje Jona

Sonda ekografike Doppler emeton në intervale, nëpërmjet impulseve me ultrazë se si kalon sasia e gjakut në vaza ose në valvulat e zemrës. Si rezultat i këtij funksioni, dalin në aparat, grafikë që tregojnë ndryshimet ose variacionet e shpejtësisë së gjakut në fazën e kontraksionit të zemrës (sistola) dhe rilashimit (diastola) të mureve të zemrës dhe të arterieve. Nëqoftëse këto grafikë maten, atëherë llogaritet shpejtësia e kalimit të gjakut.

Doppleri me ngjyra lejon pamjen direkte të fluksit të gjakut arterial, që del me ngjyrë të kuqe dhe me ngjyrë blu del gjaku venoz. Kështu bëhet e mundur të individualizohen më mirë vazat, që kanë ndryshime dhe që lidhen në patologjitë e ndryshme.

Doppleri tek gruaja shtatzënisë, studion disa lloj vazash të nëns dhe fetusit/fëmijës.

Për fetusin, Doppleri vlerëson gjendjen shëndetsore të tij, nëpërmjet llogaritjes së oksigjenimit dhe duhet bërë:

- Në shtatzënitë që kalojnë datën e parashikuar të lindjes.

- Në rastet e patologjive fetale: hipotrofive fetale (mbetja mbrapa e fetusit në krahasim me moshën e shtatzënisë), malformacioneve fetale, oligo dhe polihidramnion (kur ka pak apo shumë ujra).

- Në rastet e patologjive tipike të nënës shtatzënë; hipertension, diabet etj.

Për nënë, Doppleri vlerëson fluksin e gjakut, që kalon nga nënë tek bebi.

Ndryshimet të Dopplerit në nivelin e arterieve uterine, në muajin e 5-të të shtatzënisë mund të jenë shenja e parë e patologjive, që kanë mundësi të madhe për t’u verifikuar në muajt pasardhës.

Gjithë të mirat.