Përshëndetje Teuta

Nëqoftëse dita e parë e gjakrrjedhjes së ciklit të fundit menstrual është data 3 shtator, atëherë i takon që testi i beta HCG-së është bërë në fund të javës së 4-të apo në fillim të javës së 5-të. Niveli i hormonit të gonadotropinës korionike, në javën e katërt të shtatzënisë mund të shkojë deri në 430 mlU/mL, ndërsa në javën e 5-të mund të shkojë deri në 7300 mlU/mL.

Me treguesin prej 629 mlU/mL, unë besoj se tek ty ka filluar një shtatzëni. Në fund të javës së 6-të apo në fillim të javës së 7-të, të rekomandoj të bësh një ekografi transvaginale për të dëgjuar rrahjet e zëmrës fetale.

Nuk ka shtatzëni, kur niveli i beta HCG-së, është më i vogël se 5 mlU/mL.

Të uroj mbarësi për shtatzëninë e filluar.