Zhvillimi dhe rritja
javë pas jave

/pyet-gjinekologun
kërko pyet

Humbja e peshes

Pershendetje Doktoresh,une jam shtatzane 16+3 dhe suke nisur nga java e 6 e deri ne javen e 14 kam qen vetem me te vjella e dhimbje stomaku,ushqimin nuk arrija ta shikoja dot me sy e per kete arsye kam humbur 10kg, gjinekologia me ka dhen qe te perdorja suposto biochetas sepse nga goja e kisha te pamundur ti merrja, duhet te theksoj qe acido folico e pija naten para se t shtrihesha se gjate dites e nxirrja direkt, para 2 javeve isha te doktoresha e me peshoj e me dha vitaminat te tjera pasi ato me mbaruan ishin MULTIFOLICO, me beri e ekografi e cdo gje ishte ok, po ajo qe me shqetson akoma eshte se dje isha prap e kisha humbur perseri 1.5 kg, a eshte normale kjo? Une bebin e kam ndjer qe leviz edhe pse levizje shume te vogla se esht normale ose gjate dites vendos doren te barku e ndjej zemren qe pulson. Shume Faleminderit

Jurida Juri (12 vite më parë)

Gjinekologja përgjigjet

MD Mimoza Keta

Përshëndetje Jurida

Humbja në peshë gjatë shtatzënisë nuk është normale. Zakonisht të vjellat apo gjendja e të përzjerrave vazhdojnë deri në fund të javës së 12-të.

Të këshilloj të zbatosh udhëzimet e mëposhtme: - Evito marrjen e lëngjeve në mëngjes kur stomaku është bosh; - konsumo ushqime të thata si biskota, bukë të thekur etj; - Nuk duhen të konsumosh ushqime që nuk të pëlqejnë edhe pse mund t’ju bëjnë mirë. Është mjaft e lehtë p.sh, që të zhvillohet ndjenja e mos pëlqimit të mishit, prandaj mos e merr nëse nuk të pëlqen; - Vaktet ushqimore, të bëhen të shpeshta dhe me sasi jo të mëdha; - Edhe përdorimi i medikamente është i nevojshëm në këto raste si preparati që ka përshkruar mjekja; - Mund të ndryshosh ambjentin që qëndron dhe jeton sepse shpesh personat që qëndrojnë pranë shtatzënës me përkujdesjen e tyre të tepruar, i përkeqësojnë këto simptoma.

Megjithë këshillat e mësipërme, drejtohu në spital për të vlerësuar gjendjen si për shëndetin tënd ashtu dhe për ecurinë e shtatzënisë, sepse rastet e tilla në klinikën ku unë punoj i trajtojmë me rregjim hospitalor me perfuzione me sasi të shtuar, me qëllim që të ketë furnizim të mirë me lëngje si nëna ashtu dhe bebi.

Të uroj shtatzëni të mbarë.