Përshëndetje Ermira

Në përgjithësi udhëtimi me avion nuk është problem për shtatzënat dhe ecurinë e shtatzënisë. Meqë je në javët e fundit të shtatzënisë, pyet në shoqërinë me të cilin do kryesh udhëtimin nëse do të lëjojnë apo jo të udhëtosh. Presioni i ajrit të kabinës apo dhe rrezatimi që merret qoftë edhe në kontrollet kufitare, nuk është shqetësues për ecurinë e shtatzënisë. Nëse do të jepët leja për të udhëtuar edhe nga mjeku që të ndjek ecurinë e lidjes (i cili duhet të përjashtoj mundësinë e lindjes parakohe), gjatë udhëtimit konsumo lëngje pa gaz dhe pa kafeinë, mbaji këmbët shtrirë, mos mblidh këmbët nën vetë, bëj lëvizje të shpeshta në avion, vish çorape llastiku apo geta për të patur sa më shtrënguar këmbët.

Të uroj shtatzëni të mbarë.