Përshëndetje Dea

Përse nuk po mbetesh shtatzënë? Kjo është pyetje shumë e shkurtër, por të arrish në përgjigje rruga është shumë e gjatë.

Po mundohet të rrjeshtoj disa faktor mëmësor si; - pamundësi ose kufizim i ovulimit për shkak të difekteve gjenetike apo dëmtimeve fizike, - bllokim i tubave të Fallopit për arsye të infeksioneve seksualisht të transmetueshme etj, - ulja e sasisë dhe cilësisë të vezeve për shkak të moshës, - probleme të tjera mjeksore si; diabeti, epilepsia, tiroidet, aborte të shpeshta të mëparshme etj.

Si faktor atësor mund të rrjeshtohen; - sasia e pakët e spermës, cilësia e dobët e saj apo spermatozoidë me lëvizshmëri të ngadaltë, - infeksionet ose dëmtimet e testikujve nga mjekimet radioterapeutike apo dëmtime gjatë aktiviteteve fizike, - infeksionet bakteriale të kaluara, - operacione, si psh. i hernies/apendisitit që mund të ketë dëmtuar tubat apo kufizuar funizimin me gjak, - diabeti, mjekimet apo operacionet e rrugëve urinare duke shkaktuara retrograde, - pamundësi për ereksion etj.

Si përfundim, vërehen shumë probleme të cilat mund të influencojnë në infertilitetin e çiftit. Nëse e shikon të arsyeshme, je e mirë pritur në klinikën ku unë punoj për të vlerësuar situatën tuaj riprodhuese.

Gjithë të mirat.