Përshëndetje Leonora

Funksioni hepatik nuk ka ndryshime në shtatzëni dhe gjetja e gurit në fshigzën e tëmthit është rastësi. Krizat dhe kolikat që ke patur, kanë influencë edhe në shtatzëni. Lehtësimin e jep marrja e një sasie të bollshme e likideve, të cilat duhet ti rekomandoj mjeku që ndjek shtatzëninë dhe marrja e spazmolitikëve që do lehtësojnë dhimbjet. Vlen të theksohet se në këto kushte për ty nevojitet ndjekje rigoroze jo vetëm e shtatzënisë por edhe e funksionit të mëlçisë me analiza dhe ekzaminime specifike, të cilat do të japë mjeku hëpatolog në bashkëpunim me mjekun obstetër që ndjek shtatzëninë.

Ekzistojnë disa lloje anemish, e më e shpeshta gjatë shtatzënisë është anemia ferriprive, që do të thotë anemi nga mungesa e hekurit. Nëse është kjo, kontakto me mjekun hematolog i cili do të rekomandoj trajtimin e nevojshëm.

Ekzistojnë disa lloje infeksionesh, dhe do ishte mirë të më tregoje se çfarë lloj infeksioni është i pranishëm tek ty. Nëse nuk e di, duhet të diagnostikohesh për llojin e infeksionit e më pas mund të bëhen edhe rekomandimet e nevojshme.

Të uroj gjithë të mirat dhe shtatzëni të mbarë.