Pershendetje Loreta,

Jane tri shkaqe kryesore te cilat e bejne te pamundur qe nje çift te kete femije:

(1) çrregullimet e ovulacionit,

(2) tubat e mitres jane te mbyllura dhe

(3) problemet tek mashkulli.

Keto tri probleme hasen ne rreth 90% te rasteve. Ndodhe shpesh qe te mos jete vetem nje faktor, por te kete kombinim te disa faktoreve.

Loreta, per fat te keq e kam te pamundur qe permes emailit te te ndihmoj me teper se kaq! Duhet patjeter qe ti dhe burri yt te beni nje kontroll. Ti, burri yt dhe gjinekologu do të jeni një ekip. Ju do të punoni së bashku për të zgjidhur problemin që ju pamundëson të keni fëmijë. Organet seksuale mashkullore dhe femërore janë shumë të ndërlikuara. Gjinekologu i cili merret me mjekimin tuaj, duhet të jetë i trajnuar që të riparojë çdo çrregullim në këtë mekanizëm të ndërlikuar.

Gjinekologu duhet te te pyesë në detale për ciklin menstrual: kur te kanë ardhur menstruacionet për herë të parë, sa ditë zgjatë cikli menstrual, a ke shumë gjakderdhje dhe a ke dhimbje gjatë ciklit ose pas tij.

Gjinekologu duhet të bëjë edhe pyetje tjera më specifike, për shembull: a ke pasur ndonjëherë sëmundje që barten me marrëdhënie seksuale, a ke pasur ndonjë abort (spontan ose artificial), sa shpesh keni marrëdhënie seksuale, a përdorni ndonjë lubrifikant si dhe shumë pyetje tjera.

Është me rëndësi që të keni besim te gjinekologu të cilin e keni zgjedhur, sepse atij duhet t’i tregoni shumë gjëra të cilat janë private. Prandaj, jo shumë gjëra do të mbesin private.

Uroj qe shume shpejt te besh pyetje rreth fillimit te nje shtatzenie! Paç fat!