Përpara se të konceptohet një shtatzëni, rekomandohet kryerja e disa testeve diagnostike. Së pari vlersohet një vizitë e përgjithshme mjeksore, me analiza që tregojnë gjëndjen aktuale të organizmit të gruas. Më pas vazhdohet me vizitë gjinekologjike dhe kryerja e testit të Papanikolaut, strisho vaginale, harta gjenetike dhe sipas rastit disa dozime hormonale, grupi i gjakut dhe faktori rezus, ekzaminime të gjakut (gjaku komplet dhe ekzaminime specifike serologjike plus elektroforeza e hemoglobinës), vizitë dhe kontroll tek stomatologu, spermograma tek mjeku androlog.

E mira është që analizat të kryhen pas ciklit menstrual. Megjithatë, praktika të ndryshme mjeksore mund të japin rekomandime jo të njëjta. I rëndësishëm është fakti që përpara fillimit të shtatzënisë, gjëndja shëndetsore e gruas duhet të jetë në nivele shumë të mira.