Përshëndetje Vale

Është e vërtetë se gjatë gjidhënies, menstruacionet nuk vijnë. Meqënëse ke përdorur tableta kundër shtatzënisë së padëshiruar, është e kuptueshme se edhe sikur të kishe menstruacione, shtatzënia me shumë gjasa nuk mund të ndodhte.

Nuk e di se përse ke menduar se menstruacionet mund të të vijnë, por nuk të rekomandoj që të fillosh përsëri tabletat hormonale kundërshtatzënisë pa u konsultuar paraprakisht me mjekun.

Shumë mirë e ke menduar që të parandalosh shtatzëninë e padëshiruar me metodat e planifikimit familjar. Por konsulta me mjekun është e nevojshme për të vlerësuar dhe përdorur atë metodë që të përshtatet dhe nuk ka pasoja negative në shëndetin tënd. Mjeku obstetër-gjinekolog me anë të vizitës gjinekologjike, analizave dhe disa ekzaminime specifike ka mundësi të përcaktoj ato metoda që janë në favorin tënd. Zgjedhja përfundimtare do të jetë e jotja. Edhe një herë; trego kujdes në përdorimin e preparative hormonale. Ato nuk duhet të përdoren pa rekomandimin e mjekut.

Gjithë të mirat.