Përshëndetje Tima

Vitaminat dhe mineralet, janë shumë të rëndësishme për organizmin e njeriut e veçanërisht për gruan shtatzënë. Por me preparate multivitaminash nuk duhet tepruar, ndërsa artikujt natyror të ushqimit nuk duhet shmangur sepse janë burimi i natyror i marrjes së tyre.

Preparatet mjeksore, vitaminat dhe mineralet (multivitaminat), shtatzënat duhet ti përdorin vetëm me rekomandimin e gjinekologun, sepse në shtatzëni, pakujdesia më e vogël mund të shkaktojë pasoja të padëshirueshme. Është mjeku ai që përcakton nevojat e tyre dhe rekomandon suplementet që duhen marrë.

Meqënëse je në javët e fundit të shtatzënisë, mos harro të bësh një analizë të urinës komplet.

Të uroj shtatzëni të mbarë dhe të lidësh një fëmijë të shëndetshëm.