Fryerja e këmbëve në shtatzëni
Tinaaa
(15 vite më parë)
Zhvillimi dhe rritja
javë pas jave
javë pas jave
Gjinekologja përgjigjet
MD Mimoza Keta
Përshëndetje Tina
Me rritjen e moshës së shtatzanisë, rritet edhe mitra duke shtypur enët e mëdha të gjakut të cilat kalojnë nëpërmjet barkut, duke vështirësuar qarkullimin e tij. Kjo shkakton fryrje sidomos tek këmbët, të cilat shfaqen kryesisht në fund të ditës, apo kur qëndron për një kohë të gjatë në këmbë.
Për këtë arsye këshillohet që 3-4 herë gjatë ditës të qëndrosh shtrirë ose ulur, por me këmbët në nivelin e gjoksit për 15-20 minuta, të kufizosh qëndrimet për një kohë të gjatë në këmbë, dhe të mos përdorësh veshje të shtrënguara, të cilat pengojnë qarkullimin e gjakut.
Gjithashtu këshillohet që gjatë shtatzënisë të flesh në krahun e majtë, për të liruar mëlçinë dhe enët e mëdha të gjakut, nga shtypja që ushtron mitra gjatë ditës.
Për kruarjen që ndjen, përdor kremra neutrale dhe shto në dietën ditore kalcium dhe vitamina. Njëkohësisht, pakëso marrjen e yndyrnave dhe dhjamrave.
Të uroj shtatzëni të mbarë.
/komuniteti
Pershendetje doktoreshe, desha te di me shume rreth fryerjes ose te enjtjes se kembeve ne shtatzeni, jam ne javen e 35 por kembet me rrin shume te fryera, gjate mbremjes ato nganjehere po fillojne te me kruhen a eshte kjo dicka per tu bere merak a duhet te perdori ndonje hap apo eshte gje normale qe te ndodh kjo gjate shtatzenise? Flm shume, kaloni nje dite te mbare.