Qelje e mitres
Besa
(15 vite më parë)
Zhvillimi dhe rritja
javë pas jave
javë pas jave
Gjinekologja përgjigjet
MD Mimoza Keta
Përshëndetje Besa.
Meqënëse je hapur pak, mjeku ka bërë shumë mirë që të ka rekomanduar magnezium dhe rregjim pushimi. Sulfati i magneziumit konsiderohet tokolitik (qetësues i kontraksioneve). Përdorimi i tij, rekomandohet të shoqërohet me shumë lëngje dhe duhet ndjekur sasia e urinës. Paralelisht rekomandohet mbikqyrje nga mjeku kardiolog, së bashku me kryerjen elektrokardiogramave. Gjithashtu do të ishte në të mirë të shtatzënisë të përdoren edhe kortikosteroide (betametazon), që bëhet 12 mg /24 orë nga javë e 28-32 e shtatzënisë. Kortikosteroidët ndihmojnë në shtimin e pjekurisë pulmonare të fetusit (forcon mushkëritë e fetusit), në momentet kur rreziku për lindje parakohe ekziston.
Duhet të kihet parasysh se pavarësisht nga terapia e përdorur, jo gjithmonë është e mundur të parandalohet lindja parakohe.
Uroj që shtatzënia të ketë ecuri normale.
/komuniteti
Pershendetje dokoreshe!! Jam perafersisht ne javen e 31 dhe kjo eshte shtatezania ime e pare. Deri me tani nuk kam pase probleme perpos te nje infeksioni trichomonas vaginalis i cili eshte sheruar gjithqka ka qene ne rregull, tani mjeku ka konstatu se jame qele pak dhe me ka rekomanduar magnezium dhe pushim. Pasi shtatezania e pare po kam shummm frike te lindjes se parakohshme dhe kisha dashur nga ju nje keshille. harrova te ceki se po e mbaj edhe pojasin e shtatezanis po mundohem qe ti kaloj edhe disa jave qe me qene shtatezania ne kohen e duhur. Keshilla juaj do te jete ndihmese e madhe per mua.. Ju faleminderit