Përshëndetje Rovena

Alergjine mbaje nën kontroll me mjekun alergolog. Acidi folik është vitamina e parë që merret në shtatzëni, për të mdrojtur tubin neural fetal dhe perdoret deri ne fund të javës së 12-të të shtatzënisë. por kjo periudhë si dhe koha e mëtejshme, përcillet duke konsumuar edhe multivitamina dhe kripra minerale që janë të domosdoshme për ecurinë normële të shtatzënisë dhe zhvillimin normal të fetusit. Rreth javës së 16-të të shtatzënisë, fillohet marrja e suplementit me hekur i cili gjithashtu ndihmon për zhvillim normal të fëmijës. Duhet të kesh kujdes edhe me dietën ushqimore. Shtatzënia nuk duhet të shkaktojë ndryshime të mëdha në mënyrën e të ushqyerit dhe nuk duhet të detyrojë askënd të ushqehet me diçka që nuk i pëlqen. Dieta ushqimore duhet të jetë e balancuar dhe të bazohet në një ushqyerje të rregullt.

Të uroj shtatzëni të mbarë.