Karota
Duke marrë sasi të madhe të frutave dhe perimeve të freskëta ngjyrë portokalli dhe jeshile, si karota, kungulli, spinaqi dhe lakra, do të keni nivel optimal të vitaminës A në organizëm, i cili ruan integritetin e lëkurës dhe mukozës, duke penguar hyrjen në trup të mikrobeve, viruseve dhe shkaktarëve të tjerë të sëmundjeve.

Mishi i kuq forcon mukozën
Ushqimet proteinike ndihmojnë në ruajtjen e funksionit normal të mukozës së veshëve, fytit dhe hundës, që paraqesin mbrojtjen e parë kundër sulmit të virusit. Mishi i kuq, i pulës, peshqit, vezët, produktet e qumështit, perimet, bishtajat, frutat me levozhge, farat dhe produktet e sojes përmbajnë të gjithë përbërësit e nevojshëm që e forcojnë epitelin e qelizave të mukozës, prandaj duhet të konsumohen të paktën një herë në ditë.

Speci, antioksiduesi më i fortë
Nëse ju ka sulmuar virusi, duhet ta dini se organizmi lufton kundër tij me rruazat e bardha të gjakut, ku prodhimin e tyre
e përshpejton vitamina C. Meqë kjo vitaminë nuk ruhet në organizëm, duhet që ta merrni në sasi të mëdha me ushqime. Speci, majdanozi, lulelakra, perimet me fletë, bizelet, portokalli, mandarina... janë disa nga ushqimet me vitaminë C.
Sardelet mbrojnë nga ftohja
Qelizat T janë, po ashtu, të rëndësishme për luftimin e viruseve. Zinku është elementi kyç për krijimin e këtyre qelizave. Sapo të bjerë niveli i zinkut në organizëm, organizmi bëhet më i ndjeshëm ndaj infeksioneve, ftohjes dhe gripit.
Burim natyror i zinkut janë sardelet, mishi i lopës, spinaqi, etj.

E verdha e vezëve forcon organizmin
Hekuri është minerali i dytë për nga rëndësia, kur bëhet fjalë për imunitetin. Pa praninë e tij, organizmi nuk mund ta absorbojë oksigjenin. Mungesa e tij shkakton dëmtim të sistemit imunitar.
Ushqimet që kanë zink, kanë edhe hekur, por ky mineral gjendet tek e verdha e vezëve, lakra, etj.

Hudhra mbyt viruset
Hudhra përmban substancën e quajtur alicinë, e cila çlirohet kur
shtypet, grihet . Studime të shumta kanë treguar se kjo substancë eliminon aftësinë e virusit që t’i sulmojë qelizat e organizmit, apo që t’i dëmtojë ato. Hudhra, po ashtu, forcon edhe imunitetin.

Turshitë jane të shëndetshme
Me gjithë disa studime që më parë thoshin se turshitë nuk janë ushqim i preferuar, kohëve të fundit gjithnjë e më shumë ka ekspertë që thonë se ato janë burim i dobishëm i vitaminave gjatë dimrit. Natyrisht, kjo vlen për turshitë që nuk përmbajnë konservues, apo shtesa konservantesh. Turshitë shpëlahen perpara se t’i konsumoni, pasi kripa shkakton rritjen e presionit të gjakut.