Përse kryhet Pap-testi? Qëllimi i kryerjes së Pap-testit është të kërkojë për ndryshime të mundshme në qelizat e kolumit (qafës së mitrës). Gjetja e këtyre ndryshimeve në faza fillestare dhe trajtimi i tyre i hershëm, do të parandalojë zhvillimin e kancerit të kolumit. Pap-testi zakonisht kryhet si pjesë e ekzaminimeve periodike gjinekologjike të një gruaje. Pap-testi kryhet në kushte ambulatore për vetëm pak minuta. Si kryhet Pap-testi? Pap-testi kryhet duke shkëputur me kujdes qeliza nga kolumi, dhe duke i shtrirë dhe fiksuar ato me kujdes në një lamë mikroskopi, e cila dërgohet ne laboratorin e patologjisë për ngjyrim dhe vlerësim. Ka pasur dy sisteme vlerësimi, por vitet e fundit përdoret vetëm sistemi i ri i Bethesdës.

Çfarë është Pap-testi? Pap-testi është një test depistues për ndryshimet malinje dhe premalinje të qafës së mitrës. Një rezultat pozitiv tregon se mund të ketë ndryshime patologjike dhe se duhet të kryhen procedura të mëtejshme diagnostike. Depistimi me Pap-test rekomandohet për të gjitha femrat duke filluar nga mosha 18 vjeç ose me fillimin e aktivitetit seksual (nqs aktiviteti seksual ka filluar para kësaj moshe). Intervali i depistimit është zakonisht një herë në vit. Nqs gruaja ka 3 Pap-teste normale (negative) ne 3 vjet, njëra pas tjetrës, kontrolli me Pap-test mund te behet cdo 2-3 vjet.

kur shkon te gjinekologu ta bojn pap testin bohet nepermjet vagines te kontrollojn spo di me ta spjegu proceduren po so rezik!