Kapsllëku te fëmija 10 muajsh
Bija Haliti
(14 vite më parë)
Zhvillimi dhe rritja
javë pas jave
javë pas jave
Pediatri përgjigjet
Dr. Niketa Koliçi
Përshëndetje Bija,
Për rregullimin e jashtëqitjes së fëmijës suaj, ju përkujtoj se rregullimi afatgjatë i nevojës së madhe bëhet me regjim të posaqëm të ushqimit, që nënkupton para se gjithash ushqimin e lëngshëm (qorbë, supë, lëngje pemësh, çajra, ujë), cereale dhe ushqime që përmbajnë shumë fibra (fiku, dardha, kumbulla, kivi, kajsi, pjeshkë, portokall).
Është me rëndësi reduktimi në masë të madhe i ushqimeve të cilat shkaktojnë kapsllëkun tek fëmijët si: qumështi (në sasi të madhe), bananja, patatja, molla, karrota. Rregullimi i përkohshëm i jashtëqitjes bëhet me sirupa dhe me mikroklizma me këtë destinim.
Gjithë të mirat.
/komuniteti
Doktoreshe, si duhet te veprojme me nje femije 10 muajsh i cili ka problem me kapsllek ne periudhen prej 2 muajsh dhe asgje nuk i ka ndihmuar pos nderprerja e qumeshtit, di qe jane perdorur ilaqe te ndryshme por asnje nuk i ka ndihmuar. Ju lutem a duhet te vazhdoj te mos e ushqej me me qumesht, tja zevendesoj me dicka tjeter apo ka ndoshta edhe ndonje zgjidhje tjeter te cilen mjeket ende nuk ma kane rekomanduar. Ju lutem me ndihmoni. Ju faleminderit.