Kapsllëku tek fëmijët 13 muajsh
Klaudja Xxx
(14 vite më parë)
Zhvillimi dhe rritja
javë pas jave
javë pas jave
Pediatri përgjigjet
Dr. Niketa Koliçi
Përshëndetje Klaudia,
Për rregullimin e jashtëqitjes së fëmijës suaj, ju përkujtoj se rregullimi afatgjatë i nevojës së madhe bëhet me regjim të posaqëm të ushqimit, që nënkupton para se gjithash ushqimin e lëngshëm (qorbë, supë, lëngje pemësh, çajra, ujë), cereale dhe ushqime që përmbajnë shumë fibra (fiku, dardha, kumbulla, kivi, kajsi, pjeshkë, portokall).
Është me rëndësi reduktimi në masë të madhe i ushqimeve të cilat shkaktojnë kapsllëkun tek fëmijët si: qumështi (në sasi të madhe), bananja, patatja, molla, karrota. Rregullimi i përkohshëm i jashtëqitjes bëhet me sirupa dhe me mikroklizma me këtë destinim.
Në lidhje me botulizmin nuk mendoj që njëherë e vetme ta ketë shkaktuar atë. Por nëse ke dyshime, të rekomandoj të kontaktosh mjekun pediatër të fëmijës tuaj në mënyrë që ta vlerësojë gjendjen.
Gjithë të mirat.
/komuniteti
Pershendetje doktoreshe. Cuni im eshte 13 muaj dhe del jashte nje here ne 2-3 dite, qan shume, dridhet i gjithi dhe me zor te madh del. Ndonjehere del edhe pak gjak i kuq. Kur ishte rreth 8 muaj i kam dhene vetem nje here nje luge te vogel mjalte te tretur, por nuk e dija qe mjalti shkakton botulizmin tek bebet. Ju lutem doktoreshe me thoni a eshte zhvilluar botulizmi ne kete rast dhe a eshte kjo shenje e kapsllekut shenje e botulizmit? Cunin e ushqej me supera, perime, fruta, lengje, uje ne menyre qe te mos kete probleme por perseri asnje efekt, ju lutem cfare te bej sepse e shikoj qe vuan shume. Faleminderit!