Zhvillimi dhe rritja
javë pas jave

/pyet-pediatrin

Kur të filloj ta ushqej foshnjen time?

Disa mjekë rekomandojnë që beba të ushqehet pas muajit të 6, disa nga 4 muaj, cili është opcioni më i mirë? Jam nënë e një vajze 4 muajshe dhe e ushqej vetëm me qumësht gjiri dhe përparon shkëlqyeshëm. Jam në dilemë kur të fillojë me ushqimin shtesë (pemë dhe perime). Ju lutem më këshilloni.

Adela, Shkup (12 vite më parë)

Dr. Med. Selim Thaqi - pediatër - neonatolog
Pediatri përgjigjet
Dr. Med. Selim Thaqi

Sipas Organizatës Botërore të Shëndetësisë foshnja duhet të usheqehet ekskluzivisht me gji deri në moshën 6 muajshe. Ushqimi suplementar në moshën 4-6 muajshe mund të fillojë vetëm në raste të caktuara siç janë: mosshtimi adekuat i foshnjes në peshë, interesimi i theksuar i foshnjes për ushqime të tjera, etj...

Ushqimi suplementar në asnjë mënyrë nuk duhet të fillojë para moshës 4 muajshe. Pasi që foshnja e juaj përparon shkëlqyeshëm, aty dilemë nuk ka: vazhdoni ta ushqeni vetëm me gji deri në moshën 6 muajshe!

/komuniteti