Përshëndetje Fjolla,

Nëse fëmija juaj paraqet shenja të temperaturës duhet ti jepni paracetamol me masën e moshës së tij (apo supozitor sipas moshës), dhe nëse vazhdon temperatura atë mund të ja jepni cdo 6 orë.

Përveç paracetamolit për ti ulur temperaturën, zhvisheni fëmijën dhe i bëni një banjë të pjeshme (gjymtyrëve dhe ballit) me ujë të freskët. Por më me efekt është banja e plotë me ujë të vakët në govatë, duke shtuar gradualisht (në anë të govatës) ujë të ftohtë, që temperatura të jetë rreth 37°C. Ky proces të zgjatë 5-10 minuta, përpiquni që fëmija të mos marrë më shumë nxehtësi dhe të konsumojë sa më shumë qumësht, mbani të freskët dhomën ku ndodhet (21-22 gradë) dhe visheni me veshje të holla, të pambukta, zhvisheni sipër, mbajani të nxehta duart dhe këmbët.

Tek foshnjat 0-3 muajshe duhet të kontaktoni menjëherë doktorin nëse nxehtësia e trupit ngrihet mbi normalen.

Ju uroj çdo të mirë.