Si të shërohet gjuha e bardhë e bebit?
Ronab
(14 vite më parë)
Zhvillimi dhe rritja
javë pas jave
javë pas jave
Pediatri përgjigjet
Dr. Med. Selim Thaqi
Përshëndetje Rona.
"Gjuha e bardhë" (mykthi i gojës) është infeksioni më i shpeshtë me këpurdha i mukozës së gojës dhe gjuhës. Zhvillohet në 2-5% të të porsalindurve dhe latantëve.Mjekohet me aplikimin lokal të antimikotikëve. Bar i zgjedhjes së parë është Nystatina, pastaj Miconazol në formë gjeli oral,së fundi tretësira Gentianë Violet 0,25%,...
Përzgjedhja e barit bëhet varësisht nga mosha e foshnjes dhe përcaktohet nga mjeku ordinar. Në mënyrë që trajtimi të jetë efikas rekomandohet që fillimisht të bëhet pastrimi i gjuhës dhe gojës me gazë sterile të lagur me tretje fiziologjike (sol.0,9% NaCl) dhe në këtë mënyrë të bëhet largimi mekanik dhe i kujdesshëm i këpurdhave e mëpastaj të bëhet aplikimi i terapisë përkatëse.
Nystatin pikat duhet vetëm të lëshohen në hapësirën e gojës,mundësisht pas përfundimit të ushqyerjes,dhe jo të gëlltiten menjëherë,pasiqë efekti i tyre duhet të jetë "në vendin e ngjarjes".E njëjta vlen edhe për preparatet e tjera për trajtimin e "gjuhës së bardhë".
Poashtu i rëndësisë së veçantë është trajtimi i njëkohësishëm i "të dyja palëve" (gjuhës së foshnjes dhe gjinjëve të nënës ose biberonëve)...
Gjithë të mirat.
/komuniteti
Pershendetje! Kam vajzen 7 javeshe dhe i eshte bere gjuha e bardhe, kam perdorur Nystatin 100 000 i.j ml pikat por nuk i ka kaluar, njeherit i eshte paraqit barkqitja sa ka perdore keto pika te cilat i kam perdor me rekomandim te pediatrit. Tani jam e frikesuar se mos ndoshta mund te ndikoje dicka per te keqe ajo zbardhje. Ju lutem me ndihmoni nese ekziston dicka tjeter qe ka efekt me te madh ndoshta per me u sheru gjuha bebit. Me te vertete jam shume e shqetesuar.