Ushqimi i foshnjes 6 muajshe
Merita Ismajli
(14 vite më parë)
Zhvillimi dhe rritja
javë pas jave
javë pas jave
Pediatri përgjigjet
Dr. Med. Selim Thaqi
Përshëndetje Merita.
Ushqimi i fëmijës 6 muajsh duhet të përmbajë drithëra të pasura me hekur, siç është orizi, tërshëra, elbi si dhe pemë dhe perime; mollë, dardha, karrota, avokado, patate të ëmbla, kungull etj. Të gjitha këto të bluara dhe të përziera me qumësht derisa të fitohet masa në formë qulli. Biskotat nuk preferohen në këtë moshë, pasi ato nuk kanë kurrfarë vlera ushqyese.
Për moshën e fëmiut tuaj ushqimi duhet të jetë përjetim i këndshëm e argëtim dhe jo dhunë e imponim. Jo rastësisht rekomandohet që fëmijët mundësisht të ushqehen në shoqërim të bashkë familjarëve ose edhe të bashkë moshatarëve duke respektuar dëshirën e tyre në përzgjedhjen e llojit të ushqimit dhe mënyrës së të ushqyerit.
Paraprakisht duhet të hulumtohen, të përjashtohen ose trajtohen problemet e vërteta shëndetësore si anemia, infeksionet, etj...
Ju uroj gjithë të mirat.
Daniela Nika, pediatre
(14 vite më parë)
Pershendetje Merita, Jam shume dakort me keshillat e dhena nga Dr Selimi. Doja vetem te shtoja edhe disa keshilla te tjera: Duhet te dini se ushqimet shtese (ato qe i shtohen qumeshtit te gjirit) fillohen pikerisht ne momentit kur foshnja mbush 6 muajsh, pasi me pare rekomandohet vetem qumeshti i gjirit, pa shtuar as uje e as pije te tjera. Gjithashtu kur fillon nje ushqim te ri per bebin, sasia e ushqimit ne ditet e para mund te jete rreth 2-3 luge caji, deri sa te mesohet me te. Studimet rekomandojnë se nuk ka rëndësi rradha e llojeve të ushqimeve të reja plotësuese që i fillohet fëmijës, por duhet të fillohet vetëm një përbërës “i një ushqimi të ri në një kohë” psh vetem muhalebi me miell orizi plus qumesht formule (burim i mire hekuri). Pas 1 jave mund te filloni ushqimin tjeter, si: leng apo pure frutash, perimesh, etj... Kur fëmija të jetë mësuar dhe të pranojë mirë, dy, ose më shumë lloje ushqimesh të reja mund të përzjehen ato me njëra tjetrën, psh. pure me patate dhe karrota, muhalebi me miell orizi dhe mollë të shtypur. Kujtoni se ushqimit të fëmijës deri në fund të vitit të parë mos i shtohet kripë apo sheqer. Duhet te dini se qumështi lopës, i dhisë, etj kanë pak hekur, ose hekuri tyre thithet pak nga foshnjet. Këto qumështe mund të nxisin zhvillimin e një anemie nga mangësia e hekurit, ndaj nuk rekomandohen për foshnjen nën 12 muajsh. Gjithashtu ai favorizon alergjite. Mundohuni ta ushqeni femijen ngadale me gote, duke evituar perdorimin e biberonit. Mbas moshës 7 muajshe foshnja pëlqen të hajë vetë me dorë. Lejoheni ta bëj këtë sepse kjo është një etapë me rëndësi e zhvillimit. Suksese ne detyren tuaj si nene.
/komuniteti
Pershendetje doktor vajza ime eshte 6 muajshe dhe e ushqej me gji po kam filluar edhe me oriz te hipit ata po e han shume mire kam provu pastaj edhe me teglla po nuk i don kam provu keksa plot ushqime per beba po nuk po i han te gjitha ushimet qe ja jap vetem i mban ne goje dhe nuk i perbin nese mund ta di arsyen pse? Pres pergjegje.