Sipas rekomandimeve të OBSH foshnja rekomandohet të ushqehet ekskluzivisht me gji deri në moshën 6 muajshe. Rekomandohet që foshnja të ushqehet në gji më së miri sipas kërkesës - dëshirës së saj. Çfarëdo lloj imponimi në këtë drejtim mund të reflektojë me rezistencat e përshkruara nga ju. Promovimi i ushqimeve solide (të dendura - të tjera) para moshës 6 muajshe bëhet vetëm kur ekzistojnë indikacione shëndetësore për këtë, siç është për shembull mosshtimi adekuat në peshë, sepse edhe kjo mund të ndikojë në zvogëlimin e nevojës për marrjen e gjirit. Porosia më e qëlluar në rastin tuaj është që të punoni në drejtim të asaj që foshnja juaj ushqimin në gji ta akceptojë si domosdoshmëri për shuarjen e etjes-urisë ,argëtim dhe kënaqësi për momentet e kaluara sëbashku me ju dhe kurrsesi si imponim, obligim, detyrim që me çdo kusht duhet plotësuar për t'i realizuar kërkesat-pritjet e nënës.