Përgatitja e formulës nuk është aq e vështirë por është me rëndësi që të përzieni përqindjen e saktë të formulës me ujë që të siguroheni se foshnja juaj është duke marrë sasinë e duhur të materieve ushqyese.

Poashtu se pse foshnja juaj nuk ka shumë imunitet ende ndaj mikrobeve, sidomos si i porsalindur, është me rëndësi që të merrni masa preventive për ta mbrojtur nga sëmundjet që vijnë nga ushqimi.

Ministria Amerikane e Ushqimit dhe Medikamenteve kërkon që prodhuesit e formulave të analizojnë çdo ngarkesë të formulave për të caktuar sasitë e materieve ushqyese dhe të sigurisë, si dhe të stampohet “afati i skadimit“ në secilën shishe mu sikur afati i stampuar tek qumështi, vezët, shpezët, dhe ushqimet tjera delikate. Mund të jetë joshëse që ta rrëmbeni një shishe dhe të shkoni kur e keni foshnjën e shqetësuar me vehte, por kontrollimi i afatit të skadimit do të garantojë siguri dhe kualitet.

Poashtu sigurohuni se shishja e lllamarinës nuk është e shtypur. Kur shishja është e shtypur, mbështjellësi i hollë i mbrendshëm çahet, gjë që lejon që formula të vijë në kontakt me hekurin, potencialisht të shkaktojë dhe ndryshk, bile dhe vrima që do të shkaktonte prishjen e formulës.

Që të kurseni para do të dëshironi që të bleni në paketime të mëdha. Por para se ti grumbulloni, mendoni se sa formula do të mund të përdorni para se ti kalojë afati i përdorimit. Disa vitamina dhe inde ushqyese që gjenden në formula degradojnë gjatë kalimit të kohës, kështu që foshnja juaj mund dhe të mos e marrë ushqimin për të cilin ka nevojë nga formula. Në qoftë së përfundoni me formula të cilës i ka kaluar afati i përdorimit, atëherë kthehuni në dyqan që të kërkoni shishe tjetër. Shumica e prodhuesve lejojnë që shitësit ti marrin mbrapa formulat e pahapura në qoftë se i ka kaluar afati i përdorimit për ti zëvëndësuar.

Nxemja dhe ftohja e shishës shkakton degradimin e përbërsve dhe indeve ushqyese mbrenda formulës, prandaj mbani formulat e pahapura në vend të ftohtë. Zgjedhni një raft apo dollap i cili është larg nga stufa, shporeti, radiatorët, apo gypat me ujë të nxehtë. Temperatura ideale për ruajtje është diku rreth 13 deri 24 gradë celzius, por sigurohuni qe temperatura të mbetet nën 32 gradë dhe mbi temperaturën e ngrirjes. Mos i leni formulat në rrezet të diellit dhe në friz poashtu.

Njëherë si të keni hapur një shishe me formula, përmbajuni udhëzimeve për ruajtje të shkruara në shishe. Shumica rekomandojnë që ta ruani shishen e mbuluar për 24 deri 48 orë. Eshtë mirë që formula pluhur të mos ruhet në frigorifer apo në ndonjë vend tjetër të lagësht, sepse lagështia shkakton që pluhuri të grumbullohet në topa të vegjël.

1. Pastroni mirë pajisjet e juaja

Disa ekspertë rekomandojë që të sterilizohen të gjitha shishet, cucllat, kapakët për matje, lugët ndërsa disa të tjerë thonë se për një gjë të tillë nuk ka nevojë vetëm në rast se kualiteti i ujit nuk është në nivel në vendin ku jetoni. Prapëseprapë tjerët këshillojnë sterilizimin e pajisjeve për ushqim në qoftë se foshnja juaj është më madhe se 3 muaj. Çdo herë do të duhet ti lani të gjitha shishet e juaja në ujë të nxehtë me sapun dhe ti fërkoni mirë. Dhe më mirë pastrojini në makinë për lamjen e enëve. Është mirë që këtë ta bëni menjëherë pas të ushqyerit kështu që formula të mos ketë rast që të ngjitet në skajet dhe të çarat e shishes.

Brushat për pastrimin e shisheve dhe cucllës janë të lira dhe shumë të efektshme, poashtu janë dhe shportat e sigurisë për larje në makinë të dezajnuara enkas për ti mbajtur shishet e formulave dhe ato të ushqimit. Në qoftë se vendosni ti sterilizoni atëherë thjesht vendosni shishet në ujë të nxehtë për 5 minuta. Poashtu mund të gjeni dhe sterilizues komercial për ta kryer punën. Leni shishet që të teren në mbajtësen për tu terur, ose i fshini me leckë të terur në rast se keni nevojë për to menjëherë (shmangni nga përdorimi peshqirët e ditpërditshëm se mund të kenë bakteria). Mbushni shishet me qumësht me formula, futni në frigorifer, dhe përdorni mbrenda 24 orëve.

Në qoftë se jeni duke përdorur cucllat për përdorim të njëtrajtshëm të cilat ju kanë dhënë në spital apo tek mjeku, ato janë në paketime të sterilizuara dhe janë të prodhuara të përdoren dhe të hudhen në shportë menjëherë pas përdorimit. Kur të blini shishe dhe pajisje të reja, gjithmonë i lani dhe i sterilizoni para se ti përdorni për herë të parë, edhe nëse më vonë e ndaloni sterilizimin.

2. Lani kapakun e formulës para se ta hapni

Kjo ndihmon që të largoni pluhurin apo lëngjet që kanë mundur të bien mbi të. Do të mund të ndani një shishe të veçantë për formula, dhe ta lani mirë mes përdorimeve.

3. Pastroni mirë duart

Kur të përgatitni formula lajini mirë duart me sapun dhe ujë të nxehtë për rreth 30 sekonda. Fshini duart me letër toaleti.

4. Përmbajuni në mënyrë egzakte udhëzimeve për përgatitje të shkruara në shishe

Pasi që instruksionet dallojnë nga firma në firmë, dhe përqindja e formulës-dhe-ujit mvaret nëse formula është pluhur apo lëng, lexoni udhëzimet me kujdes. Shtimi i shumë pak sasi të ujit mund ta mundojë veshkat e foshnjës dhe të shkaktojë dehidrim, ndërsa shtimi i sasive të tëpërta të ujit do ti ja shkurtojë kaloritë dhe materiet ushqyese gjë e cila mund të ndalojë rritjen dhe të bëhet pengesë për të përparuar. Për përzierje të saktë, mund të përdorni kapakët standard për matje në vend të vizave të shënuara në shishen tuaj.

5. Uji i sterilizuar

Në qoftë se jeni duke përdorur formulë pluhur apo formulë lëng koncentrat, atëherë është më së miri ta përzieni me ujë të sterilizuar më parë me anë të vlimit, posaçërisht në muajt e parë. Thjesht hidhni ujë të ftohet në tenxhere dhe e vloni për rreth 1 minutë. (Të zierit për më shumë se 1 minutë mund të mbledh minerale dhe gjëra tjera siç është plumbi në ujë.)

Mbani në mend se uji i mbushur në shishe nuk është medoemos steril, dhe poashtu nuk është patjetër steril edhe uji i cili ka kaluar nëpër filtër. Në të vërtetë, filterat të cilat janë të montuar nëpër kuzhinetat të cilat nuk janë ndërruar për një kohë të gjatë mund të përmbajnë bakteria. Mund të bleni shishe të sterilizuar, por kini kujdes që në shishe të shkruan qartazi rreth kësaj gjëje.

Poashtu mund të këshilloheni me mjekun tuaj për kualitetin e ujit në vendin ku jetoni dhe ta pyetni se a mendon ai se ka nevojë që ta vloni ujin për formulën e foshnjës tuaj, pasi që kualiteti i ujit varon.

Duke u bazuar se sa formulë ka nevojë foshnja juaj përgatitni sa mendoni se do të keni nevojë në 24 orët e ardhshme. Njëherë si të keni përzier formulën pluhur apo formulën lëng të koncentruar, futeni në frigorifer menjëherë, dhe mos lejoni që të ftohet jashtë frigoriferit, dhe konsumoni mbrenda 24 orëve.

Ndiqni instruksionet për ruajtje, të shkruara në kapakun e formulës mbasi ta keni hapur atë. Disa kompani këshillojnë mbulimin e formulës se mbetur dhe përdorimin e saj mbrenda 24 orëve, të tjerët sugjerojnë përdorimin mbrenda 48 orëve.

Një këshillë: Për të evituar hargjimet e panevojshme dhe humbjen e kohës përzieni një sasi të madhe të formulës në mëngjes dhe ndani në 3–4 shishe nga 85 deri 115 gram të cilat mund ti ruani në frigorifer dhe ti përdorni gjatë tërë ditës.

Temperatura e dhomës është ideale për zhvillimin e bakterieve në qumësht, prandaj i jepni menjëherë formulën e ngrohur foshnjës tuaj, mos e nxehni para kohe, dhe hudhni çdo formulë që ka ndejtur me shumë 1 orë në temperaturë të dhomës.

Në qoftë se merrni shishen e foshnjës tuaj “me vete“ lëreni në ndonjë kuti të mbyllur të ushqimit, më së miri në ndonjë najlon me akull.

Simptomet më të zakonta të sëmuarjes nga ushqimi janë vjellja dhe shkuarja e barkut. Në qoftë se i vëreni këto simptome thirrni mjekun menjëherë.

Sëmundjet nga ushqimi mund të jenë shumë serioze.

Posaçërisht tek foshnjet, ku mund të çojnë deri tek dehidrimi, ndalimi i punës së veshkëve, madje dhe deri te vdekja.