10.07.2014 - Aborton dhe e gropos fetusin 4 muajsh. Një foshnjë e sapoformuar u gjet e groposur në afërsi të repartit ushtarak 3700 në zonën e Kinostudios në Tiranë.

Ka qenë një banor i zonës që duke punuar ka zbuluar krijesën. Me shpejtësi ka lajmëruar policinë, e cila nga këqyrja në vend ka vërtetuar se fetusi, i seksit mashkull është abortuar nga nëna që kishte kaluar 4 muaj të shtatzënisë.

Hetimet kanë zbuluar se fëmija është abortuar në mënyrë ilegale nga M.R., 23 vjeçe, e lindur në Lezhë e banuese në Tiranë. Ndaj saj ka nisur procedimi penal për veprën penale “vrasje e foshnjës”./gazetaexpress/