Fëmijët me çrregullim të koncentrimit dhe hiperaktivitetit (attention deficit hyperactivity disorder - ADHD) informatat vizuale i përpunojnë ndryshe në krahasim me fëmijët pa çrregullime, tregon hulumtimi i ri i shkencëtarëve amerikanë. 

Duke gjetur modele të ndryshme të aktivitetit në trurin e fëmijëve me ADHD, hulumtuesit shpresojnë që një ditë do të mund të bëjnë testin i cili do ta zbulojë çrregullimin shumë herët. Si i kanë zbuluar shkencëtarët aktivitetet e ndryshme të trurit te fëmijët me sindromën ADHD? 

Fëmijëve të moshës prej 9 deri 15vjeçare me dhe pa këtë sindromë, hulumtuesit u kanë dhënë një varg testesh në të cilat nga ata kërkohet që të mbajnë mend dhe njohin grupet e caktuara të numrave. 

Aktiviteti i tyre trunor është skanuar në atë moment, ndërsa incizimet kanë treguar që fëmijët hiperaktiv i përpunojnë informatat vizuale në tjetër mënyrë. 

Mostra e aktivitetit të tyre trunor është më e ndryshme se tek fëmijët që nuk kanë këtë çrregullim, transmeton Koha.net. Konkretisht, skaneri ka shënuar aktivitet të reduktuar të neuroneve në fushat e trurit përgjegjëse për perceptim vizual dhe memorien punuese. 

Shkencëtarët shpresojnë që ky hulumtim do të ndihmojë në zbulimin e hershëm të sindromës ADHD.

Burimi: KOHA