Zhvillimi dhe rritja
javë pas jave

Tema

Këshilla për fertilitetin dhe koncepsionin

22.12.2011 - Doni të bini shtatzane shpejt? Ju jeni në vendin e duhur. Këtu paraqitet cdo gjë që ju keni nevojë të dini për të rritur shancet tuaja për të rënë shtatzane në mënyrën më të shëndetshme.

Filloni të merini acid folik, që tani. Ai redukton mundësinë e lindjes së një femije me defekte të tubit neural (psh. anencefali apo spina bifida) në masën 50 deri 70% nëse ju filloni të merini të paktën 0.4 mg acid folik cdo ditë dy deri tre muaj përpara fillimit të përpjekjeve për shtatzani.

Mos u nxitoni të ngriheni dhe të shkoni direkt në tualet pasi bëni dashur. Rrini shtrirë të paktën për 5 minuta pas kryerjes së marrëdhënies me qëllim që spermatozoidët të kenë kohën e nevojshme për të arritur në takimin me qelizën vezë.

Bëni dashuri shpesh gjatë periudhës fertile. Nëse ju nuk kryeni marrëdhëni të paktën cdo 48 orë ju nuk mund të jeni të sigurt, që spermatozoidët do të presin qelizën vezë në tubat e fallopit.

Mos harro që lindja e një bebi është një lojë fati. Edhe pse ju bëni cdo gjë “në rregull”, ju keni vetëm 25 deri 30% shanc për shtatzani në cdo cikël.

Nëse ende nuk e keni lënë duhanin, beje tani. Studimet tregojnë se pirja e 10 cigareve në ditë redukton shancin e ngeljes shtatzanë me 50%.

Nëse jeni pirëse kafeje. Është koha që të pakësoni pirjen e saj. Kafeina mendohet se ngadalson rritjen e bebit duke pakësuar fluksin e gjakut në uterus. Më shumë se një studim tregon se konsumimi i ekzagjeruar i kafeinës (më shumë se 3 kafe në ditë) mund të kontribuojë në problemet e infertilitetit. Por jo të gjithë janë dakort në këtë pikë.

Jeni ju dhe burri juaj të ekspozuar ndaj substancavë të rrezikshme në vendin e punës? Ju mund të merrni në konsideratë të ndryshoni punën tuaj përpara se të filloni të krijoni familjen tuaj. Disa substanca mund të influencojnë cilësinë e spermës dhe zhvillimin e embrionit.

A keni bërë ndonjë kontroll prekoncepsional. Lini një takim me doktorin tuaj të rishikoni historinë tuaj mjekësore dhe të flisni mbi planin tuaj për të nisur përpjekjet për një shtatzani.

Nëe jeni duke marrë mjekime, mos harroni të pyesni mjekun tuaj nëse mund t’i vazhdoni këto medikamente gjatë kohës që përpiqeni për një shtatzani.

Jeni diabetike? Është e rëndësishme që të masni nivelin e sheqerit në gjak përpara se të filloni përpjekjet për shtatzani. Studimet kanë treguar që gratë me diabet insulino-vartës të kontrolluar keq, janë 4 deri 6 herë më shumë të predispozuara të lindin fëmijë me defektë në krahasim me ato jo diabetike./mjekesia/

/komuniteti